Armaturali po’lat

QO'LLANISH SOHASI

Armatura po‘latining asosiy qo‘llanilish sohasi qurilish hisoblanadi.
Aksariyat hollarda u quyidagi ko‘rinishda qo‘llaniladi:
– Bo‘ylama va ko‘ndalang o‘roqsimon qovurg‘ali silliq (yumaloq) va davriy profilli armatura prokatining chiviqlaridan tayyorlangan sterjenlar;
– Kesishish nuqtalarida o‘zaro payvandlangan sterjenlardan hosil bo‘lgan kataklar shaklida tayyorlangan to‘rlar;
– Taqsimlovchi armatura (o‘z nomidan ma’lumki, yukni taqsimlash uchun qo‘llaniladi) bilan biriktirilgan bo‘ylama armatura ko‘rinishidagi karkaslar. U ishchi sterjenlar holatini saqlash va ularga tushadigan yukni aniq taqsimlash imkonini beradi. Bunday karkaslar ustun va to‘sinlarni mustahkamlashda qo‘llaniladi. Karkaslarni tayyorlash uchun davriy profilli armatura po‘latidan foydalaniladi;
– Yig‘ish jarayonida armatura karkasi bilan biriktiriladigan va keyinchalik karkaslarni tashish va o‘rnatish uchun qo‘llaniladigan montaj-mahkamlash uzellari shaklida ishlangan montaj armaturasi. Bunday ishlar uchun silliq turdagi armaturadan foydalaniladi;
– Armatura po‘lati va listli prokatdan tayyorlanadigan o‘rnatma detallar. Temir-beton konstruksiyalarni montaj qilishda o‘rnatiladigan detallar ko‘pincha payvandlanganligi sababli, ularni tayyorlashda qo‘llaniladigan armatura po‘lati yaxshi payvandlanish xususiyatiga ega bo‘lishi kerak;
– Mahkamlovchi shpilkalarni qotirish uchun mo‘ljallangan beton poydevorning o‘rnatish elementlaridan iborat bo‘lgan ankerli armatura.

Monolit qurilishda armaturadan foydalanish majburiydir.
Armaturalashning vazifasi ekspluatatsiya jarayonida paydo bo‘ladigan bosim va yuklamalarni bartaraf etishdir. Mustahkam beton bosim ostida oson parchalanadi. Beton konstruksiyaga po‘lat armatura kiritish orqali cho‘zuvchi va eguvchi yuklarga chidamlilik ta’minlanadi.

Deyarli barcha beton konstruksiyalar armatura bilan mahkamlanadi. Bundan kelib chiqadiki, armatura po‘lati temir-beton mahsulotlar va konstruksiyalarsiz ish bitmaydigan hamma joyda kerak bo‘ladi.

AFZALLIKLAR

Xususiy zamonaviy po‘lat eritish majmuasi va suv-havo sovutish liniyasiga ega bo‘lgan eng yangi sort prokatlash uskunasi mavjudligi turli xil qo‘llanilish maqsadlari uchun xilma-xil po‘lat markalaridan termomexanik jihatdan mustahkamlangan armatura prokatini ishlab chiqarish imkonini beradi.
Deformatsion-termik ishlov berishning ratsional rejimlarini avtomatlashtirilgan tarzda tanlash quyidagi sinfdagi armatura prokatini ishlab chiqarishni amalga oshirish imkonini beradi:
– St3sp va St3ps markali po‘latlardan tayyorlangan At400S;
– St5sp va St5ps markali po‘latlardan tayyorlangan At500S;
– 20GS yoki 35GS markali po‘latdan tayyorlangan At600 va A800.
– Tarkibida marganes va kremniy miqdori yuqori bo‘lgan St3sp markali modifikatsiyalangan po‘latdan tayyorlangan A400S.
– Tarkibida marganes va kremniy miqdori yuqori bo‘lgan St3sp markali modifikatsiyalangan po‘latdan tayyorlangan A500S.
– Tarkibida marganes va kremniy miqdori yuqori bo‘lgan St3sp markali modifikatsiyalangan po‘latdan tayyorlangan A600S.
– 12G2S markali past legirlangan konstruksion po‘latdan tayyorlangan V500V
– 12G2S markali past legirlangan konstruksion po‘latdan tayyorlangan V500S

Ma’lumki, armatura sinfi orqali oquvchanlik chegarasining minimal qiymati o‘rnatiladi. Shunga ko‘ra, sinfning ortishi bilan armaturaning mustahkamlik ko‘rsatkichlari ortib boradi va kichik diametrli sterjenlardan foydalanish yoki karkasdagi sterjenlar sonini kamaytirish yoki har ikkala usulni qo‘llashning texnik imkoniyati yuzaga keladi. Shu bilan birga, armaturaning og‘irligi bo‘yicha tejamkorligi 26% gacha yetishi mumkin, bu esa yirik investitsiya loyihalarini amalga oshirishda moliyaviy xarajatlarni sezilarli darajada kamaytirish imkonini beradi.

Korxonada mavjud attestatsiyadan o‘tgan «Markaziy zavod laboratoriyasi» zamonaviy nazorat-o‘lchov asboblari, tajriba-sinov uskunalari va spektral tahlillar bilan jihozlangan bo‘lib, bu o‘z navbatida zavodga armatura po‘latining texnologik reglamentlar va me’yoriy hujjatlar talablariga muvofiqligini kafolatlash imkonini beradi.

MUVOFIQLIK SERTIFIKATI

Seriyali ishlab chiqarishda armatura po‘latining sifati O‘zbekiston Respublikasi sertifikatlashtirish milliy tizimining muvofiqlik sertifikati bilan tasdiqlanadi:
– 22.10.2024- yildagi UZ.SMT.01.0038.119264775-sonli (Ǿ8 mm – Ǿ10 mm А400S)
– 07.02.2025- yildagi UZ.SMT.01.0038.124762392-sonli (Ǿ10 mm А500S)
– 13.09.2022- yildagi UZ.SMT.01.0006.81508898-sonli (Ǿ12 mm – Ǿ28 mm А500S)
– 31.07.2024- yildagi UZ.SMT.01.0006.115508491-sonli (Ǿ32 mm А500S)
– 03.03.2025- yildagi UZ.SMT.01.0038.125630585-sonli (Ǿ10 mm А550SK)
– 23.10.2024- yildagi UZ.SMT.01.0038.119345382-sonli (Ǿ12mm – Ǿ36 mm А500S)
– 28.02.2025- yildagi UZ.SMT.01.0038.125622398-sonli (Ǿ10mm А600S)
– 05.07.2023- yildagi UZ.SMT.01.0006.95050476-sonli (Ǿ12mm – Ǿ16 А800)

Shuningdek, Yevropa sertifikatlashtirish tizimining muvofiqlik sertifikati bilan:
– 28.04.2025- yildagi 04-22-312-sonli (Ǿ10 mm – Ǿ36 mm V500V)
– 25.04.2025- yildagi 04-25-408-sonli (Ǿ10 mm – Ǿ36 mm V500C)

O‘ZBEKISTON RESPUBLIKASI MILLIY SERTIFIKATLASH TIZIMIbatafsil
 
muvofiqlik sertifikatibatafsil
 
Evropa muvofiqlik sertifikatibatafsil

STANDARTLASHTIRISH

Hozirgi kunda «V.L.Galperin nomidagi Toshkent quvur zavodi» MCHJ QK tashabbusi bilan O‘zbekiston Respublikasi Qurilish va uy-joy kommunal xo‘jaligi vazirligi huzuridagi Qurilishda texnik me’yorlash va standartlashtirish ilmiy-tadqiqot instituti tomonidan O‘zDSt 193:2024 «A550SK SINFIDAGI TERMOMEXANIK MUSTAHKAMLANGAN ARMATURA PROKATI» Milliy standarti ishlab chiqildi. A550SK sinfidagi armaturalar ikkita mustaqil akkreditlangan laboratoriyalarda tadqiqot va sinovdan o‘tkazildi. Milliy standart tomonidan me’yorlangan parametrlar zavod tomonidan ishlab chiqarilgan A550SK sinfidagi armaturani sinovdan o‘tkazishda tasdiqlandi.
 
Standartlashtirishbatafsil

ESLATMA

1. Armatura po‘latining nominal diametri: 5,5; 6,5; 8; 10; 12; 14; 16; 18; 20; 22; 25; 28; 32; 36 va 40 mm.
2. Diametri 5,5; 6,5; 8; 10 va 12 mm bo‘lgan armatura po’lati massasi 1500 dan 2000 kg gacha bo‘lgan o‘ramlarda, diametri 12; 14; 16; 18; 20; 22; 25; 28; 32; 36 va 40 mm bo‘lgan chiviqlar massasi 3000 kg gacha bo‘lgan bog‘lamlarda ishlab chiqariladi.
3. Armatura po‘lati quyidagilar asosida ishlab chiqarilishi mumkin:
– GOST 34028-2016 bo‘yicha:
а) issiq prokatlash usuli bilan:
– А240 sinfi – dumaloq profilli;
– А400С, А500С, А600С va А800 sinfi — 2f davriy profil shaklidagi, ikkita bo‘ylama qovurg‘ali va o‘qqa ko‘ndalang og‘ma o‘roqsimon kesimli qovurg‘ali, perimetri bo‘yicha ikkita qarama-qarshi tomonda joylashgan;
– O‘zDSt 3025-2015 bo‘yicha;
– At400S va At500S sinfiga mansub, 2f davriy profil shakliga ega, ikkita bo‘ylama qovurg‘ali va o‘qqa ko‘ndalang og‘ma o‘roqsimon kesimli qovurg‘ali, perimetri bo‘yicha ikkita qarama-qarshi tomonda joylashgan;
– LST EN 10080-2005 bo‘yicha;
– В500В va В500С sinfidagi davriy profillangan yoki silliq sirtli prokat.

MA`LUMOTLAR

GOST 5781-82 bo’yicha chiviqli temir-beton konstruksiyalarini armaturalash uchun armaturali po’latbatafsil
GOST 34028-2016 bo’yicha o’lchovsiz uzunlikdagi chiviqli temir-beton konstruksiyalar uchun armaturali prokatbatafsil
O’zDSt 3025-2015 davriy Profil uchun mustahkamlovchi prokatbatafsil
Armaturali po’lat narxini hisoblash uchun belgilangan shakl orqali bepul ariza yuboring yoki siz uchun qulay bo’lgan har qanday usulda savdo bo’limiga murojaat qiling. Tezda javob olishingiz kafolatlanadi.

Narxni bilish

TAYYOR MAHSULOTNI SOTISH BO’LIMI

Manzil: O’zbekiston. Toshkent shahri, Furqat ko’chasi 4

Savdo bo’limi telefon raqami:
+ 998 (71) 207-41-10
+ 998 (71) 207-41-12

Telegram bot: https://t.me/ttzuz_bot
Telegram chat: + 998 (93) 005-96-88